Psa 52 | PONPDN | STEP | KOE ol weit, da me koe suaikeki me sued, pwe kalangan en leowa kin duedueta ni ran karos.

Psalms 52

1 KOE ol weit, da me koe suaikeki me sued, pwe kalangan en leowa kin duedueta ni ran karos.
2 Lo om inong iong me sued, o kin ras ong naip kong pot, ni a wia likam.
3 Koe kin mauki lokaia sued sang me mau, o lokaia likam sang me pung.
4 Koe kin men lokaiaki me sued lo om likam.
5 I me Kot pil pan kawe uk ala, o lepuk uk pasang, o waik uk sang nan im om, o koko uk sang nan sap en me maur akan.
6 A me pung kan pan kilang o masapwekada, o re pan kaurureki i:
7 Kilang, iei ol o, me sota kaporoporeki leowa, pwe a keleki a dipisou toto o a kelail ong a wiada me sued.
8 A ngai dueta tuka oliwe pot nan tanpas en Kot, i kaporoporeki kalangan en Kot kokolata.
9 I pan kapinga komui kokolata, pwe kom kak kotin wiada; i pan kapinga mar omui, pwe a lingan ren sapwilim omui lelapok kan.